بسبب لعبة PUBG# .
حالة الطلاق الي صارت بسبب اللعبه (بوبجي)
القصه الي انتشرت بالتواصل الاجتماعي
الزوج داخل يلعب بوبجي وزوجته نازله وياه بالتيم نفسه
الزوجه تصوبت واكو بنيه داخله وياهم تصوبت بنفس الوقت
الزوج المفروض اول شي لازم يسعف زوجته ام جهاله راح يسعف
البنيه الثانيه ونطاها سلاح وعلاج والزوجه المسكينه تنتظر دورها
الحدما ظلت تنزف وماتت وما لحك عليها. المفروض الزوج يكون
وفي ويصون زوجته ويطلع وياها من اللعبه بس هو تمادى وما
اكترث بمشاعر زوجته الميته وعبر من فوك جثتها وبكل وقاحه اخذ
ممتلكاتها من الاسلحه والملابس مالتها نطاها للبنيه وظل يلعب
وياها ويركضون سويه ويحميها وضحك وسوالف
الزوجه هنا زعلت ومن حقها طبعا لمت هدومها وراحت بيت اهلها
،
ابوها سمع بالقصه كال شلون يسوي هيج . ابوها خابر الرجال وكال
حضر عمامك عدنا فصل وياكم
المهم اجتمعوا العشيرتين وحجايه منا وحجايه منا توصلوا للطلاق
ودفع مبلغ مالي
طبعا الزوجه فضحت البنيه الثانيه الي ساعدها زوجها و وصلت
السالفه لاهل البنيه
وتعال ياعمي خلصني شلون تسعف بنتنا وتلزمها وهم حظر عمامك https://ift.tt/2NaNQRl عراق تكنلوجي